La Murène

De la Murene

ΜΥ'ΡΑIΝΑ, en Latin Murena, en Provence,Languedoc,Italie,Hefpagne Murene. C'eft poiffon de haute mer aucunesfois de riuage, long iufques à deux coudées…aiant l'ouverture de la bouche grande,é la machoire de deffus aquiline, au bout de la quelle font comme deux verrues,comme au Cõgre… Ell'ha des petits en tout tems,lefquels bien toft deuienent grands. Pource quel'ha fi fouuët des petits,aucuns ont pëfé qu'il ni a point de mafle en c'eft efpece, mais que toutes font femelles,é quelles fraient auec les Serpëts, laquelle opinion Oppian a fuiui, difant que la Murene é le Serpent s'entraiment fort, é que le Serpent aiant leffé fon venin fur les pierres fifle au bord de la mer, appellant la Murene, la quelle accourt incontinent.aiant fraié auec elle s'en retourne prendre fon venin, lequel fi ne trouue point il meurt de douleur…
La Murene eft ennemie mortelle du Poulpe,lequel fuit le cõbat le plus qui lui eft poffible,toutesfois ne le pouuant aucunemët euiter,il tafche auec ces longs bras cõme fleaux l'euueloper é la tenir,mais en vain, car elle lui efchappe é gliffe comme eau, qui eft caufe que le Poulpe eft miferablement mis en pieces. Au contraire la Langoufte deuore la Murene cõbien qu'elle foit bië cruelle. Nos pefcheurs craignans la dangeureufe é venimeufe morfure,comme ilz dient de la Murene,ilz ne la touchent viue fi non auec des forces,defquelles lui coupent la tefte,les cëdres de la quelle gueriffent fa morfure,é les efcroueles. Si la Murene a mordu quelqu'vn il faut couper la piece,à caufe des dens fort courbes en dedans…
GUILLAUME RONDELET ~ M D LVIII ~ P 314 315